Дека хуманоста е една од главните карактеристики на припадниците на армијата го докажаа припадниците од Командата за обука и доктрини (КОД), организирајќи хуманитарни акции во соработка со Црвен крст Велес, Црвен крст Неготино и здружението „Градиме иднина“ од Скопје.
Денес, 12.09.0219 година, во потчинетите единици на КОД во касарната „Алексо Демниевски Бауман“, Центарот за обука на питомци во касарната „Гоце Делчев“ во Скопје и Центарот за поддршка на обуката во касарната „Криволак“ беше реализирана хуманитарна акција за собирање на прехранбени артикли, средства за хигиена, школски прибори, облека и обувки. Собраните средства истиот ден беа предадени на надлежните претставници од Црвен крст Велес, Црвен крст Неготино и здружението „Градиме иднина“ од Скопје, за да понатаму бидат доставени до оние на кои навистина им се потребни, т.е. на социјално ранливите категории на луѓе.
Со оваа хуманитарна акција КОД во целост ги реализираше предвидените активности во пресрет на одбележување на денот на единицата.
З/Д
