На 3-ти септември 2014 година во Центарот за индивидуална обука кој е во состав на Командата за обука и доктрини започна Методички курс за обука на подофицери. Слушатели на курсот се 27 подофицери од единиците на Армијата на Република Македонија.
Целта на Методичкиот курс за подофицери е да обезбеди осовременување на формите, облиците и начините на изведување на обуката, квалитетна индивидуална, колективна и методичка подготовка на изведувачите на обука како и рационално користење на материјалните средства и наставните помагала за време на реализација на обуката.
Преку наставата и планираната обука во период од еден месец, слушателите на курсот ќе се стекнат со знаења кои понатаму ќе ги применуваат во реализацијата на обуката во сите единици на Армијата на Република Македонија.
