Согласно Планот и програмата за реализација на обука на питомците од Центарот за обука на питомци, на АП „Криволак“ во тек е реализација на Курсот за командири на водови со питомците од четврта наставна година од родот пешадија, инженерија и АБХО и стручната воена обука-Логорување со питомците од три наставна година од родот пешадија артилерија и врски.
На Курсот за командири на водови питомците оваа практична обука во делот на пешадија, инженерија и АБХО ќе ја следат со цел нивно обучување и оспособување за извршување на почетни командирски должности и задачи во единиците на Армијата, додека на стручната воена обука-Логорување со питомците од три наставна година питомците ќе ги надградат своите знаења со практична настава во делат на пешадија артилерија и врски.
Основата за секој иден современ и добро обучен офицер на Армијата на Република Северна Македонија покрај изучување на теоретска и практична обука е самодовербата која се стекнува со практично искуството за живот и работа во теренски услови.
