Мисија:
Обезбедува комуникациско-информатичка поддршка за команда и контрола на стратегиско и оперативно ниво. Со стационарен и мобилен дел обезбедува поврзување помеѓу командите и единиците. Во случај на природни и други несреќи обезбедува непрекината работа на комуникациски и информацискиот систем (КИС).
Задачи:
- Планирање и организација;
- Планирање и употреба;
- Планирање и спроведување на обука и вежби;
- Планирање и спроведување персонален менаџмент;
- Разузнавање, контраразузнавање и безбедност;
- Логистичка поддршка;
- Организација и подготовка на КИС;
- Планирање на финансиски средства;
- Цивилно воена соработка.
Потполковник Драган Сарафилоски
Потполковник Драган Сарафилоски е роден 15.03.1979 година во Скопје, каде и завршува основно и средно образование. Воената кариера ја започнува во 2001 година како припадник на третата генерација на дипломирани офицери на Воената академија “Генерал Михајло Апостолски“ во Скопје како офицер од родот врски.
Во досегашната кариера има извршувано повеќе командни и штабни должности и тоа:
- командир на вод за информатика и кз во Центарот за обука на родот врски/Полк за врски;
- командир на вод во Баталјонот за врски/Полк за врски;
- командир на самостоен вод во Баталјонот за СЦВ/ Полк за врски;
- офицер за КИС во Г-6 секцијата во Командата за обука и доктрини;
- началник на Одделението за техничка поддршка во Центарот за симулации;
- началник на Одделението за сценарија и планирање во Центарот за симулации;
- од ноември 2024 година е поставен за командант на Баталјонот за врски.
Своето воено образование го надградува со специјализацијата за командни и штабни должности на Воената академија во Скопје.
Унапредување:
- потпоручник од 2001-2002 година;
- поручник од 2002-2008 година;
- капетан од 2008-2013 година;
- мајор од 2013-2021 година;
- потполковник од 2021 година.
Професионалниот развој во текот на кариерата го гради и преку учество и завршување на повеќе курсеви во земјата и странство:
- Курс за инструктори во Вишков, Р.Чешка (2006 год.);
- Напреден курс за офицери од родот врски (SCCC), Форт Гордон, САД (2008 год.);
- Курс за менаџирање со информатички мрежи, Форт Гордон, САД (2014-2015 год.).
Активно учествува во повеќе вежби во земјата и во странство и тоа:
- Како дел од штабот на вежбата „Здружени напори“ (Combined endeavor) во периодот 2009 до 2014 година, Графенвур, Р.Германија;
- „REGEX19“, Велес, Р.Македонија;
- “SEVEN STARS 22” во организација на Командата на Бригадата за Југоисточна Европа;
- Вежбата „Cooperative Longbow/Lancer 12“ на АП „Криволак“.
За своето залагање и постигнатите резултати во процесот на борбената обука, образованието и градењето на Армијата, повеќе пати има добиено одликувања и награди од министерот за одбрана, началникот на Генералштабот на Армијата и претпоставените команданти.
Потполковник Сарафилоски е оженет и татко на две ќерки. Зборува англиски јазик (СТАНАГ 3,3,2+,2+), активно спортува.
