Мисија:
Обезбедува комуникациско-информатичка поддршка за команда и контрола на стратегиско и оперативно ниво. Со стационарен и мобилен дел обезбедува поврзување помеѓу командите и единиците. Во случај на природни и други несреќи обезбедува непрекината работа на комуникациски и информацискиот систем (КИС).
Задачи:
- Планирање и организација;
- Планирање и употреба;
- Планирање и спроведување на обука и вежби;
- Планирање и спроведување персонален менаџмент;
- Разузнавање, контраразузнавање и безбедност;
- Логистичка поддршка;
- Организација и подготовка на КИС;
- Планирање на финансиски средства;
- Цивилно воена соработка.
Потполковник Зоран Христов
Потполковник Зоран Христов, е роден 1979 во Скопје. Основното и средното образование го завршува во својот роден град и продолжува со воено образование на Воената Академија „Генерал Михајло Апостолски“ во Скопје. На Воената академија дипломира во 2002 година како офицер во род Врски.
Воената кариера ја започнува како командир на вод баталјон за врски за поддршка на Командата на КоВ во Куманово. Во текот на воената кариера има извршувано командни и штабни должности во баталјон за врски и во Здружено Оперативната Команда.
Во текот на воената кариера има учествувано во една мировна мисија „ИСАФ“ во 2011 година.
Меѓу другото има завршено курс за командири на чети и курс за штабни офицери на Воената Академија „Генерал Михајло Апостолски“ во Скопје. Своето стручно усовршување и оспособување го продолжува со завршување на повеќе курсеви во земјата и странство,
Дополнително има учествувано на конференции и семинари, како и на повеќе воени вежби во земјата и странство и тоа: „Sea Breeze“ во Република Украина, „Combined Endeavour“ во Република Хрватска и на вежбите „Македонски Блесок“ и „Одлучен Удар“ одржани на АП „Криволак“.
Во досегашната служба награден е со медал за соработка од Република Украина, бронзена значка на Армијата, бронзена значка на Армијата за долгогодишна служба во Армијата и сребрена значка за партнерство, координација и соработка.
Должности кои ги извршувал во досегашната кариера:
- 2002-2005, Командир на вод во баталјон за врски во Куманово,
- 2005-2006, Командир на вод во центар за обука за родот врски во Скопје,
- 2006-2009, Офицер за КИС во механизиран пешадиски баталјон во Тетово,
- 2009-2012, Офицер за КИС во Г-6/ЗОК во Куманово,
- 2012-2016, Командир на чета во баталјон за врски во Скопје,
- 2016-2020, Офицер за радио и фреквентен менаџмент во Ј-6/ЗОК во Куманово,
- 2020-2022, Началник на С-3/7 во баталјон за врски во Скопје,
- 2022-2023, Началник на штаб во баталјон за врски во Скопје.
