Во период од 15 до 17.10.2019 година припадници од командата и потчинетите единици на воздухопловната бригада (вбр) имаа можност да присуствуваат на предавањата за развој во воздухопловните сили, презентирани од страна на експертски тим на припадници од Воздухопловната Команда на САД за Европа.
Тимот од Воздухопловната Команда на САД за Европа беше пречекан од командантот на воздухопловната бригада, полковник Роберт Малезански. Од страна на истите беа презентирани повеќе теми од доменот на военото воздухопловство како: градење на воздухопловни сили, рангирање на силите, образование и обука, користење и одржување на силите, иницирање на процес за обука, демографија на силите, набавки и презентација на примерок на обрасци кои се од помош во текот на реализација на сите горенаведени активности во една воздухопловна единица.
Присутните припадници од воздухопловната бригада во тек на презентациите со активно учество и со размена на искуства и дискусии со тимот од Воздухопловната Команда на САД за Европа, се надградија со нови знаења и методи за развојот на воздухопловните сили.
Активности завршија со презентација на сите активности и капацитети кои во моментот ги реализира и располага воздухопловната бригада.
ГИ/ЧС/БН
