Во текот на втората половина на јануари и првата половина на февруари, согласно годишните планови за обука на потчинетите единици на 1. пешадиска бригада (1.пбр), припадниците од извидувачките водови на потчинетите единици на 1.пбр, на терените за обука во зимски услови на планините во западниот дел од државата, реализираат обука во зимски услови.
По успешно спроведената обука во своите бази и полигони за обука, за престој, живот и извршување на задачи во зимски услови, во овој период според плановите за обука следуваше практична реализација на научените техники и знаења за опстојување, преживување и извршување на задачи во зимски услови и снег.
Во еднонеделната обука, персоналот практично ги покажа вештините во справување и извршување на задачите во зимски услови и тоа: движење во длабок снег, совладување на снежни препреки со формациски и прирачни средства, изработени непосредно од персоналот, изработка и престој во објектите изработени од и во снег, ставови за гаѓање со личното вооружување во снежни услови и длабок снег, како и движење и управување на моторна санка.
За време на обуката, единиците беа посетени од страна на одговорните старешини за обуката од штабот на 1.пбр, при што стекнаа увид во високата обученост и психофизичката подготвеност на персоналот за извршување на задачи во зимски и планински услови.
ГЃ
