Денес, 6-ти мај 2014 година во Здружената Оперативна Команда (ЗОК) се реализираше настава по предметот „Организација на штабот и штабните функции при донесување на воени одлуки“ со слушателите на вториот циклус на студии-специјализација на командни и штабни должности (СКШД).
За време на посетата во ЗОК по воведот од страна на командантот на ЗОК генерал-мајор Методија Величковски, началниците на секции низ одвоени презентации имаа излагања за организацијата на штабот и штабните функции на ниво на оперативна команда.
Претходно на ден 29.04.2014 година слушателите на СКШД престојуваа во командата на 1 механизирана пешадиска бригада во Петровец каде се запознаа со организацијата на штабот и штабните функции на ниво команда на бригада.
По завршувањето на наставата слушателите извршија обиколка на оперативниот центар и секциите во ЗОК.
Целта на посетата на слушателите на СКШД е преку практична работа и решавање на задача со учество на сите секции од штабот да се обучат во процесот на работа на штаб и воедно да ги надградат знаењата од оваа област кои ќе им користат во понатамошната работа по завршување на вториот циклус на студии.
