Во период од 17.02-21.02.2025 година, во касарната „Страшо Пинџур“ во Петровец се реализираше Курс за информативни операции (ИО) на тактичко ниво.
Курсот е продолжение на обуките од страна на инструкторите од 3/124 баталјонот за ИО од Националната гарда (НГ) на Вермонт од САД, со цел зајакнување на стручноста на армиските припадници од 1.пбр во оваа област, како и начинот на изведување на ваквите активности во мултинационални средини за поддршка на мировни операции и меѓународни вежби.
Слушатели на курсот за ИО беа: клучниот персонал од 1.пбр и персоналот од составот на Лесната пешадиска баталјонска група (ЛПБГ).
Во наредниот период, согласно планот за ИО ќе се продолжи со развој и изработка на план и програма за идна обука на персоналот од Армијата од доменот на ИО во соработка со НГ на Вермонт.
ГЃ/ДЧ
