Мисија:
Четата за врски да ги воспостави сите планирани врски за потребите на 1.пбр според Планот за врски.
Задачи:
- Тревога и собирање на единицата;
- Тактички марш;
- Воспоставување и одржување на сите планирани врски;
- Заштита на силите.
Капетан Марија Дејановска
Капетан Марија Дејановска е родена 1993 година во Куманово. Средно образование завршува во СОУ Гимназија „Гоце Делчев“, во билингвална паралелка во Куманово. Продолжува со образованието на Воената Академија „Генерал Михаило Апостолски“ во Скопје каде во 2017 година е промовирана во првиот офицерски чин потпоручник, истовремено своето образование го надоградува на природно математички факултет при Универзитет „Св. Кирил и Методиј“ – Скопје каде во 2019 година дипломира или се стекнува со зваење дипломиран демограф.
Завршени курсеви, семинари и обуки:
- Курс за командири на водови – Р. Северна Маекдонија, AП Криволак 2017 година.
Вежби:
- Командир на вод за врски на вежба „Одлучен удар 19“ – Р. Северна Македонија, АП Криволак 2019 година.
Награди и пофалби:
- Пет дена наградно отсуство од министер за одбрана.
Предходни должности:
- Командир на втор вод во чета за врски во 1.пбр,
- Командир на прв вод во чета за врски во 1.пбр,
- Командир на вод за врски во командна чета во 1.пб,
- Командир на прв вод во чета за врски во 1.пбр,
- Командир на чета за врски во 1.пбр.
Унапредување:
- Потпоручник 2017-2019 година.
- Поручник 2019-2023 година.
- Капетан 2023 година.
Познавање на странски јазици:
- Француски.
- Англиски.
Четата за врски e единица од составот на 1.механизирана пешадиска бригада и е лоцирана во касарната „Н.Х. Страшо Пинџур“ – Петровец. Своите зачетоци ги има во месец септември 2000 година во касарната „Јане Сандански“ – Штип, каде станува составен дел на 1.пешадиска бригада (1.пбр) под мотото „Чест и Сила“.
Како прв командир на чета за врски е поставен капетан Зоранчо Тренев, кој по неколку години со трансформацијата на 1.пбр во 1.механизирана пешадиска бригада (1.мпбр) во месец март 2006 е заменет од следниот командир на чета, капетан Зоран Алексов.
Во јуни 2012 година за командир на единицата е поставен сегашниот командир на чета, капетанот Дејан Стојчевски.
Единицата во текот на годините што опстојува реализираше многубројни вежби од доменот на врските, дел самостојно, а дел и во координација и соработка со останатите приштабски единици на 1.мпбр и командата на бригадата.
Четата поставуваше центри за врски за потребите на командата на бригадата на многу локации на територијата од источниот дел на Р. Македонија и на тој начин ја покажа целокупната своја способност правилно, квалитетно и навремено да одговори на сите сложени задачи од делот на врските и комуникациите.
Покрај секојдневните функционални обврски и задачи кои произлегуваат од мисијата на единицата, припадниците од нашиот состав успешно имаат земено учество на сите одржани вежби Македонски Блесок, Балкански Блесок и Кооперативна долга стрела/Лансер на АП Криволак и националните и НАТО оценувања на СПБН и СПБГ, каде што имаат постигнато солидни резултати во процесот на психо-физичката и борбената подготвеност на персоналот во извршувањето на обврските и задачи.
Единицата беше носител на 1 (еден) вод за врски во составот на СПБН и СПБГ. Припадници од нашиот состав имаат учествувано и сè уште земаат активно учество во мировните мисии ИСАФ и ОМЛТ во Авганистан.
Во мисиите ОМЛТ учествуваме 4 (четири) пати со по еден припадник, во 2 (две) ротации учествуваа по 1 (еден) офицер, а во останати 2 (две) ротации по 1 (еден) подофицер. Во мисијата „ИСАФ” во Авганистан од четата за врски учествуваа 13 (тринаесет) припадници од кои 3 (три) подофицери и 10 (десет) професионални војници.
Две припаднички на понежниот пол учество земаа во 2 (две) мисии каде рамо до рамо со останатите припадници професионално и одговорно ги извршија сложените задачи.
Во наведените мисии за успешно извршување на истите припадниците од нашиот состав имаат добиено признанија како од нашите претпоставени команди и единици така и од претставниците на меѓународните сили.
Припадници од нашиот состав имаат земено активно учество на разни курсеви и семинари, како во земјата така и во странство, за што имаат добиено високи признанија. Два офицери имаат завршено курс за штабни офицери, а 1 (еден) офицер и курс за воени набљудувачи во мировни мисии.
Неколкумина подофицери имаат посетувано курсеви од стручно-специјалистичкиот дел, како што се курсевите за фреквентен менаџмент, компјутери и криптозаштита. Здобиените знаења и искуства се имплементираат во секојдневната обука и работа во единицата.
Во 2012 година четата ја менува мирновремената локација и е преместена во касарната „Н.Х. Страшо Пинџур“ – Петровец, каде продолжува ја извршува својата мисија и доделените суштински задачи на мисијата.
Поради постигнати особени и високи резултати во својата работа 1 (еден) подофицер од составот на четата во 2012 година се здоби со високо признание односно бронзена значка.
