Мисија:
Одржување на МС на III рамниште, зајакнување на капацитетите за одржување на II рамниште на ЛП и одржување на муниција и МЕС.
Задачи:
- Планира, организира и реализира среден ремонт на ТМС;
- Планира, организира, координира и реализира КТП на муниција и МЕС и ТП на специфични МС во единиците на Армијата;
- Хумано уништување на бесперспективна и неисправна муниција;
- Изработка на технолошки постапки од областа на одржувањето на МС, муниција и МЕС и организирање на производство на резервни делови;
- Адаптација и модифицирање на резервни делови, склопови и агрегати.
Мајор Арбен Исмаиљи
Мајор Арбен Исмаиљи е роден на 04.02.1976 година во Тетово, Република Северна Македонија, живее во Тетово, оженет е и татко на две деца.
Во 1994 година го завршува средното образование во гимназијата „Моша Пијаде” – Тетово, а во 2000 година го завршува Земјоделскиот факултет во Тирана. Военото образование го оформува со завршување на Курсот за усовршување на офицери од родот пешадија во 2004 година на Воената академија „Генерал Михаило Апостолски” – Скопје.
За време на воената кариера извршувал повеќе должности: командир на вод во Тетово во време од 2004 – 2013 година; офицер за воено планирање, б/г и операции во време од 2013 – 2015 година; во период од 2015 – 2018 година ја извршувал должноста командир на механизирана пешадиска чета, додека должноста началник на С-3 во баталјон ја вршел во време од 2018 – 2019 година. Во период од 2019 – 2023 година бил командир на склад за МиМЕС, а од мај 2023 – декември 2024 година бил на должност началник на штаб и заменик-командант на Техничкиот ремонтен центар.
Во текот на неговата воена кариера бил упатен во мировната мисија ИСАФ – Авганистан, Кабул на должност командир на вод во време од јуни 2006 – јануари 2007 година и во период од јуни – декември 2014 година во мировната мисија ИСАФ – Авганистан, Кабул на должност офицер за операции.
Повеќе пати бил пофалуван и наградуван од претпоставените старешини во единиците каде што ги извршувал должностите.
Активно го говори англискиот јазик.
Почетоците за формирањето на единицата датираат уште во далечната 1947 година, но официјално објектот е регистриран во катастарските документи 15.11.1967 година.
Со самото формирање на АРМ, Техничкиот ремонтен центар продолжува да работи на одржување на материјално техничките средства од доменот на среден и генерален ремонт. Единицата располага со капацитети за одржување на пешадиско и артилериско вооружување, дијагностика и сервисирање на возила, одржување и сервисирање на бела техника, располага со сертифицирани лица за ПП заштита, работилница за општи работи, како и средства за одржување на врски.
Со текот на изминатите години Техничкиот ремонтен центар постојано се опремува со специјална опрема за успешно извршување на активностите.
Персоналот со кој располага единицата во изминатиот период успешно ги има извршувано задачите, а тоа се должи на постојаното стручно оспособување и усовршување преку најразлични курсеви и обуки во земјата и странство.
