Центар за индивидуална обука

Мисија:

Организација, подготовка и реализација на индивидуалната обука на војници, подофицери и офицери од активниот и резервниот состав на Армијата.

Задачи:

• Изработка на Планови и Програми за реализација на обуката на војниците, подофицерите и офицерите од активниот и резервниот состав на Армијата;
• Реализација на напредни курсеви за офицери и подофицери од активниот и резервниот состав;
• Реализација на основен курс за подофицери од активниот и резервниот состав;
• Реализација на обука на професионални војници;
• Реализација на обука со војници на доброволно служење на воениот рок.

Мајор Џунат Веџиоски

Мајор Џунат Веџиоски е роден 1979 година во Прилеп. Основното и средното образование ги завршува во Крушево и го продолжува на Универзитетот Св „Кирил и Методиј“ во Скопје, на филолошки факултет педагогија, каде што дипломира во 2003 година. Во 2006 година го завршува и курсот за офицери на Воената академија „Генерал Михаило Апостолски“ во Скопје.

Воената кариера ја започнува како Командир на 1 вод, во 1 механизирана чета, 1 механизиран баталјон во Охрид. Во текот на воената кариера извршувал повеќе командни и штабни должности: заменик командир на чета, командир на наставна година, началник на С-3/5/7 во Центар за обука на питомци и офицери и заменик командант на Центарот за обука на питомци и офицери.

Своето стручно усовршување и оспособување го продолжува на Командно штабна академија на Воената академија „Фрањо Туџман“ Загреб, Р. Хрватска во 2024 година, како и на неколку курсеви во земјата и странство.

Има учествувано ма мировната мисија ИСАФ во Авганистан во 2010 и 2014 година како и на повеќе воени вежби.

Во текот на својата кариера повеќе пати е наградуван, меѓу кои и златна  значка на Армијата. Го зборува англискиот јазик. Оженет е и татко на едно дете.