Мисија:
Носител на логистичката поддршка во Генералштабот е Секцијата Ј-4 (Ј-4/ГШ), која има одговорност за логистичко планирање и координација на сите мерки и активности за логистичка поддршка на Армијата. Својата работа и активност ги заснова на добиените задачи од Началникот на Генералштабот, насоките и политиките добиени од Секторот за логистика на МО, политиката, Доктрината и стандардите во НАТО логистиката, воочените потреби за логистичка поддршка на потчинетите единици. Служи како контролен авторитет за реализација на мерките и активностите за достигнување на потребно ниво на подготвеност на единиците на Армијата од аспект на логистичката поддршка. Во рамките на своите и пренесените овластувања-надлежности, Ј-4/ГШ делува како плански логистички орган во Армијата, при што има примарна одговорност во следните области:
- Снабдување;
- Одржување;
- Движење и Транспорт;
- Медицина;
- Инфраструктура;
- Услуги.
Општо:
- Развивање на планови за логистичка поддршка на Армијата, следење на нивната имплементацијата и преземе на корективни мерки за рационализација и унапредување на логистичката поддршка;
- Анализа на системот на логистичкото обезбедување на командите и единиците на Армијата;
- Учество во планирањето и изработката на оперативните наредби на Началникот на Генералштабот;
- Одредување на Шема за логистичка поддршка на Армијата;
- Учество во детерминирањето на соодветна структура на силите и утврдување на резерви и средства неопходни за поддршка на истите за поставените мисии (во земјата и надвор – во мир и во кризи);
- Планира и реализира набавки во доменот на своите надлежности;
- Контрола на подготвеноста на единиците за планирање и изведување на операции и предлагање на мерки за нејзино унапредување;
- Учество во планирањето на мобилизацијата;
- Планирање и координација на логистичките потреби во однос на распоредувањето на силите во мисии надвор од Републиката;
- Учество во преговорите за обезбедување на ПЗД во Републиката и ПЗД надвор од нашата земја кога се испраќаат сили;
- Учество во планирањето и подготвувањето на Армијата и општеството на логистичка поддршка во вонредни случаи и елементарни непогоди,
- Учество во изработка на плановите за развој во одбраната;
- Учество во планирање и организација на вежбовни активности за логистичките елементи;
- Следење на состојбата на обученоста на логистичкиот персонал и поднесување на предлози за унапредување на степенот на обученоста и извежбаноста на истиот (учество во изработката на програмите и плановите за обука);
- Стручно водење на логистичкиот персонал (евиденција на пополнетоста и предлагање на лица за пополна, школување и др.);
- Следење на новините во делот на производната логистика и учество во аквизиција на материјали за потребите на Армијата;
- Проучување и следење на НАТО стандардите, публикациите, документите и предлагање на нивно имплементирање;
- Предлагање и спроведување на плановите за меѓународна воена соработка за логистичките програми;
- Планирање и следење на имплементацијата на Партнерските цели од областа на логистиката.
Снабдување:
- Одредување на барањата, приоритетите и динамиката на снабдувањето со сите класи на снабдување (I-V), согласно плановите за употреба на единиците;
- Вршење на проценка на постојните можности и предлагање на неопходни промени и подобрувања;
- Планирање и изработка на спецификации и реферати за капитални набавки, давање на насоки и одобрување на плановите за останатите набавки на сите класи на снабдување;
- Координирање на снабдувањето, во согласност со приоритетите на единиците на Армијата;
- Координирање и надгледување на собирањето и дистрибуцијата на вишоците и отпадните средства и опрема кои се уште можат да се искористат;
- Насочување на распоредувањето на донираните и запленети логистички средства и опрема (откако ќе се координира со Ј-2);
- Воочување на недостатоци, неправилности и ризици во снабдувањето со материјали и превзема мерки за отстранување на истите;
- Дефинирање на нивоата на резерви и логистичката инфраструктура за нивно разместување;
- Доставување на предлог до МО на потребни средства и инфраструктура за логистичка поддршка на Армијата;
- Планирање на поддршката на единиците на Армијата со средства и услуги, грижа за развојот и набавката на средствата и услугите неопходни за обезбедување на единиците во земјата и распоредени надвор од неа,
- Давање на насоки и контролирање на развојот и ажурирањето на логистичката датотека на податоци;
- Изработка на Предлог – пресметка на годишни финансиски планови за капиталните набавки од областа на логистичката поддршка на единиците;
- Изработување на критериумите за припаѓање, одобрување на планот за дистрибуција на материјалите и услугите и вршење на анализа на правилноста и економичноста на нивното користење;
- Изработување-пропишување на комплети на МС,
- Одобрување на расходување и канибализација на МС;
- Вршење на надзор на извршување на одредбите по кои се врши превоз на опасни материи со превозни средства на Армијата и дејствијата што се во врска со тој превоз.
Одржување:
- Планирање на одржувањето на ниво на генерален ремонт;
- Координирање на потребите и приоритетите за набавката на резервни делови;
- Планирање на капацитетите за одржување и поправки;
- Насочување и одобрување на одржувањето во цивилни сервиси – ремонтни капацитети во земјата и странство;
- Надгледување и анализирање на статусот на опремата;
- Разгледување на предлози и предлагање за модификација на МС;
- Одредување на приоритети за одржување од аспект на проценка на состојбата (готовност) на МС;
- Дефинирање на обемот и роковите на одржувањето на средствата и опремата.
Движење и транспорт:
- Дефинирање на потребите и планирање на стратегискиот транспорт;
- Водење и ажурирање на базата на податоци на м/в и возачи во Армијата,
- Следење на стандардите во транспортот и планирање на нивната имплементација;
- Одобрување на регистрирањето на моторни возила во Армијата;
- Координирање на средствата за транспорт за други услуги,
- Дефинирање на распоредот на движењата на главните патишта за снабдување;
- Координирање на видовите на транспортот (копнен, воден и воздушен);
- Контролирање на планирањата и реализацијата на движењата во Армијата.
Медицина:
- Планирање за обезбедување на ефикасен систем за медицинска поддршка, во земјата и надвор на сите рамништа, со кој ќе се третираат и евакуираат ранети, повредени и заболени (р/п/з);
- Планирање и следење на мерките на превентивно медицинската заштита како и преземање мерки и активности како во земјата така и надвор од неа;
- Разгледување и одобрување на планови за набавки за потребните медицински материјални средства за извршување на задачите од доменот на медицинската заштита;
- Планирање на ветеринарни активности за единиците на Армијата;
- Соработка во доменот на стандардизацијата на медицинската опрема во Армијата и изработката на нормативни акти;
- Планирање на едукација и тренинг на медицинскиот персонал од единиците на Армијата;
- Контрола на реализацијата на мерките на здравствената заштита како и на спроведувањето на мерките на превентивно медицинската заштита во единиците на АРМ;
- Изработка на доктринарни ставови на медицинската поддршка, компатибилни со ставовите на НАТО медицинската доктрина;
- Планирање на медицинска евакуација при вонредни настани.
Инфраструктура:
- Проучување на просторот на кој ќе се ангажираат луѓето и средствата за економична и функционална инфраструктурна поддршка во единиците на Армијата и при учество во мисии надвор од земјата;
- Проучување и планирање на потребите за набавка на материјали, услуги, објекти и друга инфраструктура за потребите на единиците во Армијата и при учество во мисии надвор од земјата, преку поддршка од земјата домаќин или преку трети лица;
- Проценка на капацитетите за сместување на единиците на Армијата и МТС;
- Следење на состојбата на инфраструктурата (објекти и инсталации) и планирање на мерки за одржување на инфраструктурата;
- Изработка на долгорочни, среднорочни и годишни планови од доменот на инфраструктурата;
- Учество во изработка на инвестициони програми за адаптација на постојната инфраструктура и изградба на нова инфраструктура;
- Соработка со Министерството за одбрана за поддршка на Републиката како земја домаќин за користење на инфраструктурата од страна на сојузничките сили;
- Учество во активностите за уредување на територијата за потребите на Армијата;
- Водење на евиденција за недвижностите (објекти и инсталации) кои се дадени на користење на надворешни субјекти;
- Контрола на работењето на стручните органи по градежно обезбедување во единиците на Армијата и давање на стручна помош во реализација на задачите;
- Учество во изработка на елаборати и во работа на стручни комисии за конверзија на недвижниот имот;
- Соработува со Министерството за одбрана околу менаџментот со инфраструктурата;
- Учество во работата на комисијата за стручна контрола на инвестиционо – техничката документација;
- Учество во работата на комисии за технички прегледи и завршни пресметки на изведени работи.
Услуги:
- Планирање на поштенските и курирските услуги;
- Планирање на капацитети за подготовка на храна, прочистување на вода, перење, капење и замена на облека;
- Планирање на поддршката на згрижувањето на воени заробеници;
- Координирање на транспортот, складирањето, ракувањето и располагањето со отпад и опасни материи;
- Планирање на заштитата на животната околина и контрола на превземените мерки.
- Одделение за логистичко планирање, борбена готовност, операции и следење на договори;
- Одделение за снабдување и услуги;
- Одделение за одржување и градежна инфраструктура;
- Одделение за движење и транспорт и
- Одделение за медицинска и ветеринарна поддршка.